انواع الشعر الكيرلي اعرفي نوع شعرك ومدى تجعده

هاي بنات, اليوم حأتكلم عن انواع الشعر الكيرلي  وأوصل لك المعلومات المهمة هدي عشان تعرفي ايش نوع شعرك

موضوع اليوم من الاساسيات الضرورية ومافيكي تستغني عنها عشان تعرفي كيف تقدري تعتني بشعرك وتحافظي عليه كمان عشان تعرفي كيف تمشطيه ازا كان متعبك وبيتشابك

أنواع الشعر الكيرلي المجعد

الشعر المجعد بتموجات كبيرة

هدا النوع تموجاتو على شكل حرف S وتكون انسيابية وغير موحدة الشكل مثلا ممكن يكون املس من قدام ومتدرج وملفلف من ورا ومن الجوانب والاطراف
ويكون باترن الكيرلز غير منظم وموحد
والسبب انو الجفاف والضرر يؤدي الى فرد التموجات وافقاد الشعر لشكلو في بعض الاماكن

الشعر الاجعد الكلاسيكي

تكون تموجاتو موحدة على شكل لولبي متساوي في جميع المناطق .. وهدا معناه انو صحي وقوي
بس فبه نقطة ضعف وهي انو معرض للتطاير وازا تعرض للضرر يفقد شكل تموجاتو وتسير غير موحدة

الشعر الكيرلي بالتموجات الصغيرة

تجعداتو صغيرة وطبيعة الشعر رقيقة وخفيفة، وازا اتعرض للضرر يفقد شكلو ويسير منفوش وتقيل وتسير العناية فيه صعبة ومتعبه

الشعر الكينكي الافريقي

هدا النوع من الشعر الكيرلي يختلف لأنو شكل الكيرلز على حرف Z من الجذور للنهايات ولهدا السبب يسير الشعر قصير وينكمش حتى نسبة سبعين بالمية من طولو الطبيعي
ممكن تفكري انو هدا الشعر قوي بسبب شكل تموجاتو لكن العكس هو الصحيح
وهدا الشعر خفيف وضعيف ورقيق ولازم تعتني فيه وتعطيه كل اهتمامك

هدي الفئات الرئيسية للشعر الكيرلي وكل فئة لها 3 انواع

الوويفي المتموج يصنف بـ ثلاث فئات

2a
2b
2c

والشعر الكيرلي 3 فئات كمانا

3a
3b
3c

والشعر الافريقي الكيرلي يقسم لثلات فئات كمانا

4a
4b
4c

هدي صورة للفئات عشان تعرفي ايش نوع شعرك

وطبعا ما يحتاج اقول لكم قد ايش الشعر الكيرلي بيحتاج عناية مننا

لانو لو روتين عناية خاص وطريقة تجفيف خاصة فيه

ولازم ترطبيو تمااام حتى ما يتطاير لانو الشعر الكيرلي خفيف ويحتاج للمرطبات عشان تثبت شكلو

باذن الله حأ تكلم عن طرق العناية فيه وكيف ترطبيه و حأ تكلم عن روتيني اليومي والاسبوعي  في العناية بشعري